Chenullo
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
- Este articlo tracta sobre l'articulación d'a garra que se diz chenullo. Ta la planta aromatica se veiga Fenullo.
En anatomía, o chenullo, chinullo, chinollo (en cualques puestos de Ribagorza, tamién s'emplega en aragonés la forma apocopada chinoll[1] u chenoll[2]) (d'o latín < genŭcŭlum)[3] ye l'articulación sinovial composata d'a garra d'os animals vertebratos tetrapodos, on be chugan o fémur con a tibia flexionando-se con una articulación bicondilia (con dos condils) y trocleyar d'o fémur con a taba d'o chenullo u rodeta. Perque os humans be afirmamos o peso d'o cuerpo con as garras, as lesions que patixca o chenullo son susceptibles d'estar graus y dica afectar a movilidat d'a persona. Tamién pueden sofrir artrosi.
En aragonés medieval teneba tamién o significato de "linache" u "familia" per o costumbre de posar a os recient naixitos en alto d'os chenullos d'o pai, l'abuelo u parients amanatos.
Vinclos externos
Se veigan as imáchens de Commons sobre o chenullo.
Referencias
- ↑ (es) SAURA RAMI, José Antonio; Elementos de fonética y morfosintaxis benasquesas; Gara d'Edizions; Zaragoza, 2003. ISBN 84-7820-679-5
- ↑ (es) ANDOLZ CANELA, Rafael, Diccionario Aragonés, Aragonés-Castellano Castellano-Aragonés (5ª Ed.); Mira Editores. Zaragoza 2004. ISBN 84-8465-160-6
- ↑ (an) Diccionario ortografico de l'aragonés (Seguntes la Propuesta Ortografica de l'EFA). Versión preliminar. Estudio de Filología Aragonesa. ISSN 1988-8139. Octubre de 2022.
| Partis d'o cuerpo humán | |||||||||||
|---|---|---|---|---|---|---|---|---|---|---|---|
| |||||||||||