Veyer o codigo fuent de «Idioma chaponés»

== Variedaz ==

=== Luenga estándard ===
A forma estándard de a luenga chaponesa se diz ''hyōjungo'' (''標準語'', ''luenga estándard''), y naixe entre a meitat de a [[era Meiji]] y principios de a [[era Shōwa]], basada especialment en o [[parlache]] de as clases altas de o districto de [[Yamanote]], [[Tokio]]. O ''hyōjungo'' ye a luenga que s'amostra en as escuelas, s'emplega en a televisión y en as comunicacións oficials. Dimpués de a fin de a [[Segunda Guerra Mundial]], formalment pasó a preferir-se o termino ''kyōtsūgo'' (''共通語'', ''luenga común'') por a distinción que se fa entre "luenga estándard" y "luenga común" en a lingüistica. Tot y ixo, o termino ''hyōjungo'' gosa emplegar-se comument en contraposición a os ''dialectos'' (''方言'', ''hougen'') de cada llugar.

L'impacto de o ''hyōjungo'' en a literatura ye evident. Dica principios de o sieglo XX, a ''luenga literaria'' (''文語'', ''bungo''), basada en o parlache de [[Kyoto]], yera a principal forma escrita do chaponés. Sin embargo, gracias a creixent influencia de a ''luenga coloquial'' (''口語'', ''kōgo'') y os esfuerzos por modernizar a luenga dende a fin de a [[Segunda Guerra Mundial]], ista pasó a estar a forma mayoritaria en a escrita, encara que a vegadas se bi emplegue encara bel rasgo o parola de a ''luenga literaria''. Os documents oficials, enantis escritos en [[Idioma chinés|chinés]] clasico, tamién pasoron a estar escritos en ixa variant.

=== Dialectos ===
O chaponés ye una luenga de gran variedat dialectal, debiu a o terreno montanyoso y a un luengo isolamento historico tanto interno como externo. Os dialectos (''hōgen'', ''方言'') diferen especialment en morfolochia, vocabulario, usache de as particulas y fonolochia. Ta nombrar os dialectos, gosa emplegar-se o nombre de a rechion seguida de o sufixo ''-ben'' (''弁'' o ''辯''), o mas antigament ''-kotoba'' (''言葉'', literalment ''parola'', ''luenga'', ''parlache''). A forma con ''-namari'' (''訛り'') ye peyorativa.

A vitalidat de os dialectos chaponeses ye prou variable. En bellas rechions, os parlaches locals estioron ya cuasi suplantaus de tot por o ''hyōjungo'', restando namás bels rasgos y parolas, o fablants d'edat prou abanzada. Ixo ye resultau de l'agresiva política lingüistica levada a cabo por o gubierno chaponés durante o sieglo XX. Mesuras de "correccion dialectal"<ref>伊沢 修二 (1909)『視話応用 東北発音矯正法』（楽石社）。</ref> y humiliants punicions como o 方言札 (''hougen fuda'', literalment ''cartel de dialecto'')<ref>仲宗根 政善 (1995)『琉球語の美しさ』（ロマン書房）の序では、1907年生まれの著者が、沖縄の小学校時代に経験した方言札について「あの不快を、私は忘れることができない」と記している。</ref> estioron aplicadas a os alumnos que charraban en dialecto en a escola. Tot y ixo, hue bi ha iniciativas de as autoridaz locals ta salvaguardar-los, pero namás de manera folclórica y pas en a ensenyanza. Actualment, bels libros infantils tamién incorporan bella parolas y rasgos característicos de a luenga de o puesto án tien lugar a historia.

Os parlaches de a illa d'Okinawa, normalment aplegaus baixo a denominación de [[luengas ryukyuenses]] (''琉球語'', ''ryūkyūgo'') son consideratas por a lingüística actual luengas a parti de o chaponés, pese o suyo orichen común, y se troban en periglo d'extinción. A mas charrata d'ellas ye o ''uchinaaguchi'' (''うちなーぐち'', ''luenga d'Okinawa''), luenga de o antico [[Reino de Ryukyu]].

==== Chaponés oriental ====
{{correchir}}
===== Hokkaidō =====
O [[dialecto]] de Hokkaidō (北海道方言, ''Hokkaidō hōgen'' o bien 北海道弁, ''Hokkaidō-ben'') ye un termin paraiguas que abasta os dialectos parlaus ena provincia de [[Hokkaidō]].

Dica o [[periodo Muromachi]], a presencia chaponesa en a [[isla]] yera prou redueita, pero a partir de a [[era Edo]], creixió muit rapidament, sobretot en a costa, dando lugar a la formación de [[parla (lingüística|parlache]]s tipo [[Tōhoku]] con bella [[influencia lingüística|influencia]] de os parlaches de a rechion de [[Kinki]].

Dende a [[era Meiji]], debiu a la immigración masiva con chent venida de totas as partis de o Chapón, se desembolicó un parlache prou homochenio y relativament amán de a luenga stándard, pero con accento y entonación propias, hue parlau tipicament en as ciudaz de Hokkaidō.

Tot y estar habitants autoctonos de a rechion, a influencia [[ainu]] en o parlache de Hokkaidō ye prou insignificant.

===== Tōhoku =====
A denominación ''Tōhoku-ben'' (東北弁) aplega os dialectos charraus en a rechion nord-este de Chapón.

O suyo rasgo fonetico mas caracteristico ye a neutralización d'as vocals "i" y "u" en as secuencias "shi" y "su", "chi" y "tsu", "ji" y "zu", resultando asinas homofonas parolas como ''[[sushi]]'', ''susu'' ("[[follín]]") y ''shishi'' ("[[lión]]"). Por ixo son popularment conoixius como ''Zūzū-ben'' (ズーズー弁).

Un atro rasgo fonético prou extendiu ye o cambeo d'as [[oclusivas xordas intervocalicas|consonants oclusivas sordas]] en oclusivas sonoras ([[sonorización (fonética)|sonorización]]), y a prenasalización de as oclusivas sonoras. Asinas, a palabra ''kato'' ("[[conello]]" domesticau) ye pronunciada ''kado'', y a palabra ''mado'' ("[[finestra]]") ye pronunciada "maⁿdo". En especial con a consonant "k" ocurre un caso de nasalización total. Asinas, ''ichigo'' ("[[fragaria]]") ye pronunciada {{IPA|[ɨzɨŋo]}}.

Gramaticalment, se puet destacar o uso de a particla de dirección "sa" (さ), equivalent ás particlas "ni" (に) y "e" (へ). Sindembargo, se conservan os demás usos de a particla "ni" d'o chaponés stándard. Ye tipico tamién o emplego de a particla "be" (べ) ta exprisar intención o probabilidat.

=====Kantō=====
O dialecto de Kantō (関東方言, Kantō hōgen o bien 関東弁, Kantō-ben) ye o dialecto charrau en a [[rechion de Kantō]], difueras de as islas Izu. Asinas coma o dialecto de Tōhoku, ye caracterizau por o emplego da particla -be o -ppe. O dialecto occidental incluye a parlata de [[Tokio]], aman de a forma estándard do chaponés. Por atra banda, o dialecto oriental forma un contino dialectal con o dialecto de Tōhoku, y bellas vegadas ye classificau aintro lo mesmo.

===== Tōkai-Tōsan =====
Os dialectos Tōkai-Tōsan (東海東山方言, Tōkai-Tōsan hōgen) son parlatas de transición entre o chaponés oriental y occidental.

===== Okinawa =====
Resultau de a imposición de a luenga chaponesa en a isla d'Okinawa, surche una variedade okinawense (沖縄大和口, uchinaa Yamatu-guchi) influenciata de as [[luengas ryukyuenses]] nativas de a rechión. Huei ye a luenga nativa de a mayoria de os okinawenses. Antimás do chaponés, encara se conservan con diferents graus de vitalidat as [[luengas ryukyuenses]].

==== Chaponés occidental ====
===== Hokuriku =====
=====Kinki-Kansai=====
===== Chūgoku =====
=====Umpaku=====
===== Shikoku =====
==== Kyūshū ====
===== Hōnichi =====
=====Hichiku=====
===== Satsugū =====
==== Hachijō ====