Vidi fonton por Vikipedio

== Esperantistoj kaj Vikipedio ==
Esperantistoj ludas pli gravan rolon en diverslingvaj vikipedioj ol oni ĝenerale taksas. Unu de la ĉefaj teknikistoj de la tutmonda Vikipedio, [[Uzanto:Brion VIBBER|Brion Vibber]], estas esperantisto.

La ĉeĥan, kartvelan, slovakan kaj svahilan versiojn de Vikipedio kreis esperantistoj ([[Miroslav Malovec]], [[Avtandil Abuladze]], [[Viliam Búr]] kaj [[Marcos Cramer]]), kaj en pluraj vikipedioj esperantistoj estas [[administranto]]j. [[Martin Haase]], direktoro de [[Germana Esperanto-Instituto]], estis estrarano de [[Wikimedia Deutschland]], kaj [[Ziko van Dijk]] estis de aprilo 2011 ĝis marto 2014 prezidanto de [[Wikimedia Nederland]].

=== Studoj ===
[[Ziko van Dijk]], en sia artikolo ''"The geek shall inherit the earth". Esperanto-movado kaj vikipedia komunumo en la epoko de la Interreto'', komparas la fenomenon Esperanto kun la fenomeno Vikipedio, sed ne kun la [[esperantlingva Vikipedio]], sed kun la ĝenerala vikipedia movado, tio estas Wikipedia kaj [[Wikimedia]]. Unu jarcento post Esperanto aperas alia fenomeno kun universaleca intenco, kolektiva kunlaboro ("Libera Scio"), fare teorie de multegaj, sed praktike de ne tiom multaj, stranguloj, ne klinaj al socia rekta agado, ktp. Diferenco estis la aĝo kaj epoko de la apero, pro kio por Esperanto gravis la [[gazeto]]j, dum por Vikipedio [[Interreto]].<ref>Ziko van Dijk, ''"The geek shall inherit the earth". Esperanto-movado kaj vikipedia komunumo en la epoko de la Interreto'', en [[La arto labori kune: festlibro por Humphrey Tonkin]], [[Roterdamo]], 2010, [[UEA]] (ISBN 978-92-9017-113-3) pp. 574-581.</ref>

[[Petro Chrdle]], en sia artikolo ''SAEST kaj KAEST. Pri fakaplikaj aranĝoj en Ĉeĥio kaj Slovakio'' rakontas pri la fakterminaraj taskoj fare ekde 1978 de foje AEST foje SAEST, poste KAEST. Ekde 2002 la afero okazis en [[Dobřichovice]], kiel sidejo de la agentejo mem, en 2002 mem kun ĉeftemo pri [[elektroniko|elektronikaj rimedoj]]. Tiuokaze elstara prelego estis tiu de [[Chuck Smith]], fondinto de la esperantlingva Vikipedio kiel unu el la unuaj ne-anglalingvaj versioj en 2001, samjare kun la ĝenerala sistemo. Ekde tiam la rilatoj inter KAEST kaj vikipediistoj estis oftaj. En 2008 okazis trejnseminario por vikipedi-kontribuantoj fare de [[Pavla Dvořáková]] kun partopreno de [[Yves Nevelsteen]], redaktoro de manlibro pri Vikipedio. Ĉiuj menciitaj eventoj kaj prelegoj estis kolektitaj en la korespondaj prelegokolektoj.<ref>Petro Chrdle, ''SAEST kaj KAEST. Pri fakaplikaj aranĝoj en Ĉeĥio kaj Slovakio'', en [[La arto labori kune: festlibro por Humphrey Tonkin]], [[Roterdamo]], 2010, [[UEA]] (ISBN 978-92-9017-113-3) pp. 627-635.</ref>