Белых Иван Ильич
| Белых Иван Ильич | |
| Чужан лун: |
1946-ӧд вося кӧч тӧлысь 23-ӧд лун |
|---|---|
| Чужанін: | |
| Кулан кад: |
2014-ӧд вося вӧльгым тӧлысь 30-ӧд лун (68 арӧс) |
| Куланін: | |
| Канму: | |
| Мыйся уджыс: | |
Белых Иван Ильич (1946—2014; комиӧн — Илля Вань) — коми гижысь, журналист, Коми Республикаса культураын нимӧдана уджалысь.
Олан туй
Иван Белых чужӧма 1946 вося кӧч тӧлысь 23-ӧд лун Сыктывдін районса Паль улӧ пырысь Ивадор грездын видз-му уджалысьяслӧн семьяын. Помалӧма Пальса шӧр школа, Коми канмуса педагогика институтысь история-филология факультет, кӧні ветлӧдлӧма литературнӧй кружокӧ.
1965 восянь уджалӧма «Югыд туй» (ӧні – «Коми му») газетын корреспондентӧн, редакторӧн, веськӧдлысьсӧ вежысьӧн. 1994 восянь – Коми небӧг лэдзанінын веськӧдлысьӧс вежысь да шӧр редактор, 1997 восянь — Коми небӧг лэдзанінын директор. Вӧлӧма «Йӧлӧга» газетын отделса редакторӧн. 2011 воын петӧма пенсия вылӧ.
Кулӧма 2014 вося вӧльгым тӧлысь 30-ӧд лун Сыктывкарын, гуалӧма Сыктывдін районса Палльын[1]
Гижан удж
1968 воын Иван Белыхлӧн «Югыд туй» газетын петӧма медводдза висьт — «Веж кыдз пу».
Сылӧн гижӧдъясыс петавлӧмаӧсь «Югыд туй» газетын да «Войвыв кодзув» журналын, «Миян грездса челядь» (1987) да «Сикӧтш» (1994) висьт чукӧръясын.
Кыдзи журналист мукӧддырйи гижӧ Б.Ильин гуся ним улын.
Гижӧ челядь, челядьдырся казьтылӧмъяс да вӧр-ва йылысь.
Иван Белыхлысь висьтъяссӧ вуджӧдлісны П.М. Столповский да А.В. Канев.
2005 восянь Россияса гижысь котырӧ пырысь.
Небӧгъяс
Комиӧн
- Ӧзйы, бипурӧй менам. — Сыктывкар: Коми небӧг лэдзанін, 1997.
- Челядьдырся пароходъяс. — Сыктывкар: «Эскӧм», 2001.
- Важыс уськӧдчывлӧ вӧтӧн. — Сыктывкар, 2005.
- Гуся керка: Челядьлы висьтъяс / Ред. А.В. Ульянов. — Сыктывкар, 2008. — 160 л.б.
- Кӧмтӧм кока челядьдырӧй! Висьтъяс / Серпасаліс Е.М. Коюшева. — Сыктывкар: «Коми му» газет редакция» Коми Республикаса автономнӧй учреждение», 2012. — 240 л.б.
- Мӧдлапӧв: висьтъяс, олӧм серпасъяс. — Сыктывкар: Эскӧм, 2015. — 288 л.б.
Рочӧн
Наградаяс
- Коми Республикаса культураын нимӧдана уджалысь (1994)
- Коми Республикаса Веськӧдлан котырлысь премиа босьтысь журналистика юкӧнын (2008)
- «Ыджыд роч гижысь, Нобель премиа босьтысь М. А. Шолохов 1905—2005» казьтылана медаль (2005) литература уджысь
Ӧшмӧсъяс
- Литература Коми: словарь школьника / Сост. Н.Головина, В.А. Лимерова. — Сыктывкар, 2007. — С. 9—13.
- Гортыд медся на муса. Литературная памятка к 65-летию со дня рождения Ивана Ильича Белых. Национальная детская библиотека Республики Коми им. С.Я. Маршака, 2011
- И. И. Белых гижӧдъяс йылысь wiki.komikyv.ru сайтын