Bekiek brón van André Hazes

===Jaore negenteg en nul===
In de jaore negenteg bleef Hazes populair. Zie werk woort evels gooddeils 'n herholing vaan zètte; heer haolde minder groete hits en die heer had woort ouch minder bekind. Heer kraog ouch ummer mie las vaan zien gezoondheid, veural door zien [[alcoholisme|excessief draankgebruuk]]. Zie succes mèt 'Wij houden van Oranje' perbeerde heer bij eder groet voetbaltoernooj nao te doen, wat neet lökde.

In 1991 trojde Hazes zien twiede vrouw, de bekaans twinteg jaor joonger fan Rachel van Galen. Mèt häör had 'r twie kinder, André jr. en Rosanne. In later jaore zouw 't artiesteleve 'ne groete las op hunnen trouw lègke; tot 'n sjeiing kaom 't oetindelek neet.

In 1999 drejde [[John Appel]] 'n [[documentair]] euver de maan zie leve es arties en hoesmaan, ''[[Zij gelooft in mij]]''. De film tuinde Hazes vaan hiel kortbij, zoewel bij 't zinge en bij 't make vaan leedsjes es bij 't leve achter de sjerme. De groete ierlekheid boemèt de maan ouch zien zwaakdes tuinde maakde op väöl lui indrök. In de loup vaan 2000 greujde Hazes oet tot 'ne cultarties, die innins op väöl waardering vaan de cultureel elite kós rekene. T'rzelfdertied veraanderde heer ouch vaan imago: had 'r vreuger ummer in gewoen werkmaanskleier geloupe, noe kleiden 'r ziech in 't zwart, mèt hood en gouwe kettele, wie de blues brothers boevaan heer de muziek zoe gere hoort. Zien konzèrs lepe in die jaore voller es oets; diverse kiere verkoch 'r d'n [[Johan Cruijff ArenA|Amsterdam ArenA]] oet. Heer waor in deen tied dèks op de tv te zien en waor sinds 2002 ouch politiek actief in de gemeinteraod vaan [[De Ronde Venen]], boe zien woenplaots [[Vinkeveen]] oonder vèlt. Mèt 'Bloed, zweet en tranen' maakde heer in 2002 ouch veur 't iers in jaore weer 'ne klassieker.

In de loup vaan 2004 góng zien gezoondheid hel achteroet. Heer kraog las vaan zwoer [[tinnitus|oerroesje]], zoetot 'r ziech neet mie kós hure zinge. Heer plande daan ouch al zien aofsjeid es zenger. Op 21 september mós heer in 't hospitaol vaan Woerden weure opgenome mèt zwoer hartklachte. Twie daog later, nao 'n [[hartimfark]] en twie [[hartstèlstand|hartstèlsten]] storf heer op 53-jaorege leeftied.