Véddi o wikitèsto de Goæra de sucescion aostriaca

== Stöia ==
O problema da sucescion o paiva pertanto politicamente risolto, ma o fu riaverto, a doi meixi da-a morte de Carlo VI, da [[Federigo II de Pruscia]], dexidiozo de començâ o so regno (o l'ea montao in sce-o trono o [[31 mazzo|31 de mazzo]]) con un prestigioso successo politico, e precizamente con l’estenscion da sovranitæ prusciaña in sce-a [[Slexia]], da lê invasa o [[16 dexénbre|16 dexembre]] 1740. Doppo a sconfita aostriaca a [[Mollwitz]] ([[10 arvî]] [[1741]]) a [[França]] a l'accordò ogni effettivo appoggio politico a-i faotoî de un smembramento di domiñi ereditæ aostriachi e sorvettutto a-o pretendente prinçipâ a-a S.a., Carlo Alberto, elettô de [[Bavea]], ch'o l'aiva spozao into [[1722]] Maia Amalia, figgia minô de l'imperatô [[Giöxèppe I d'Asbùrgo|Gioxeppe I]] (fræ de Carlo VI). Carlo Alberto, con l’agiutto militâ françeize (a deciaraçion formâ de guæra da parte da França a l'aviâ lœugo però solo inte l'arvî [[1744]]), o començò a guæra de S. vea e propria o [[31 lûggio|31 de luggio]], occupando de sorpreiza [[Passau]]. 

A-a fin de settembre do mæximo anno o scheamento politico contra Maia Texo o l'ea formalmente completao. Co-a Bavea aveiva concluzo di trattæ d’alliança a [[Spagna]] (Nymphenburg, 28 mazzo) e a Sassonia-Polonia ([[Francoforte in scio Men|Francoforte]], [[19 seténbre|19 settembre]]), dividendose in antiçipo e spœugge do nemigo. Solo a [[Regno Unïo|Gran Bretagna]] a l'ascisteiva amigheivemente Maia Texo. Carlo Alberto o l'aveiva intanto occupao [[Linz]], dirizzendose da pœu in sce [[Praga]], dove o fu incoonao re de [[Boemmia]]; o [[12 frevâ]] [[1742]] o fu eletto imperatô ascì. Maia Texo, con l’agiutto preminente di Ungaixi, a poette riorganizzâ into frattempo l’ezercito; l’energica controffensciva aostriaca do zenâ-frevâ 1742 a l'allarmò [[Federigo II de Pruscia]], timoozo che Maia Texo a se voese sotrae, aoa che a sciorte di arme a gh'ea favoeive, a l'impegno, assonto co-o trattao segretto de Kleinschnellendorf ([[9 òtôbre|9 ottobre]] 1741), de cedighe a bassa Slexia. O re de Pruscia o repigiò pertanto a guæra, o sconfisse i Aostriachi inta [[battaggia de Chotuxitz]] ([[17 mazzo]] 1742) e o l'ótegne l’[[11 zûgno|11 zugno]] 1742, inti preliminæ de [[Breslavia]], a Slexia e a contea de Glatz. In Italia, [[Carlo Emanuælo III]] de [[Regno de Sardegna|Sardegna]], da primma aderente a-o blocco antiaostriaco, intimorio da i amie spagnolle in sce-a [[Lombardïa|Lombardia]] o s'aliò into frevâ do 1742 con Maia Texo. A-a fin do 1742 i aostriachi rientron ascì in possesso de Praga. 

L’anno [[1743]] o portò a un intervento ciu deciso da Gran Bretagna inti affæ œüropei, a-o scianco de l'[[Inpêro oustro-ungarico|Aostria]] e contra e velleitæ egemoniche da França: l’''armée pragmatique'' (costituia da Ingreixi, Hannoverien, Ascien e Aostriachi) a-o comando de [[Zorzo II]] a sconfisse o [[27 zûgno|27 zugno]] a [[Dettingen]] i Françeixi. Quarche meize doppo, o [[17 seténbre|17 settembre]] 1743, a diplomaçia ingreize a convinse Maia Texo de l'oportunitæ de concludde con Carlo Emanuælo III o [[Trattao de Worms]], i articoli do quæ prevedeivan a cesciona-o [[Piemonte]] de di territoi da Lombardia e do [[Marchexâto de Finâ|marchezato de Finâ]]. Questo trattao o segnò o començo de una nœuva fase da guæra. I ligammi tra França e Spagna vègnan ancon ciu streiti co-o coscì díto segondo patto de famiggia de [[Fontainebleau]] ([[25 òtôbre|25 ottobre]] 1743), into quæ [[Luigi XV]] o s’impegnò a agiuttâ Feipo (da pœu ducca de [[Parma]]) inta conquista da Lombardia e de [[Parma]] e [[Piaxença]] nonché a deciarâ guæra a-a Gran Bretagna; Federigo II ascì o s'avvexinò a-a França, concludendo con questa una formâ alliança ([[5 zûgno|5 zugno]] 1744). Inta tarda primaveia do 1744 i Françeixi aveivan attaccao con gren forçe i [[Paixi Basci]] Aostriachi, ma a manœuvra a fu interrotta da l'ezerçito de [[Càrlo de Lorénn-a|Carlo de Loræna]], penetrao inte l'[[Alsàçia]]. 

Questo, a so votta, o fu constreito tuttavia a una preçipitosa retiradda verso i stati ereditæ aostriachi doppo l’improvvisa invaxon da Boemmia da parte de Federigo II (agosto 1744). Federigo o conquistò Praga, ma succescivamente l’arrivo de forçe de Carlo de Loræna o-o costrenze' a evacuâ a capitâ boema (novembre 1744). Inte l'Italia settentrionâ e forçe franco-ispañe, che aveivan çercao de impadronise de [[Cuneo|Cunnio]], fun costreite a retiâse ([[22 òtôbre|22 ottobre]] 1744); inte l'Italia meridionâ invece i ispano-napoliten sorpreizan a [[Velletri]] ([[10 agosto]] 1744) o generâ aostriaco J.J.K. z Lobkovic, inflizendoghe una dúa sconfita. 

Co-a morte de Carlo VII, a-i primmi do [[1745]], scomparse o pretendente ciu peigoso a l'ereditæ de Maia Texo e co-o [[Trattao de Füssen]] ([[22 arvî]] 1745), concruzo co-o successô, o peigo bavaize o scentò do tutto: o [[15 seténbre|15 settembre]] 1745 a Dieta de Francoforte a reconobbe imperatô [[Françésco Stêva de Lorénn-a|Françesco Steva de Loræna]], maio de Maia Texo. Verso a fin do mæximo anno Maia Texo, sciu mediaçion da Gran Bretagna, a l'acconsentì ascì a-a paxe con Federigo II: o [[Trattao de Dresda]] ([[25 dexénbre|25 dexembre]] 1745) o riconfermava a sovranitæ prusciaña in sce-a Slexia. 

Se in Germania fu posto termine a-i combattimenti, inte [[Fiandre]] e in Italia l’anno 1745 o fu quello de un sforço decixivo di franco-spagnolli, che a prœuvo a-a vittoia de Maoriçio de Sassonia in sce-i anglo-olandeixi a [[Fontenay]] ([[11 mazzo]] 1745) ocupon gran parte di Paixi Basci Aostriachi e obligon, inta penizoa, Carlo Manuælo a convegnî in sce di preliminæ de paxe, doppo esise impossessæ de parte do Piemonte e de tutta a Lombardia. A scomparsa de potençe germaniche da-a lotta a semplificò o conflíto: da una parte a França, con Spagna, Nappoli e Zena (ch'a l'aiva aderio o [[7 mazzo]] 1745 co-o [[Trattao de Aranjuez]]), da l'âtra l’Aostria, alliâ da Sardegna, da Gran Bretagna e de l'[[Paixi Basci|Olanda]]. L’energia di franco-spagnolli a s'amermò into [[1746]]. In Gran Bretagna, i faotoî do pretendente Charles Edward, sbarcao inta [[Scòçia]] into lùggio do 1745, fun definitivamente battui ([[Culloden]], [[16 arvî]] 1746), e in Italia Carlo Emanuælo III e Maia Texo costrinsan o nemigo a sgomberâ o Piemonte e a Lombardia e occupon [[Zena]] ([[7 seténbre|7 settembre]] 1746); solo inte Fiandre e truppe françeixi a-o comando de Maoriçio de Sassonia passon de vittoia in vittoia. 

Trattative de paxe tra França, Gran Bretagna e Olanda fun za començæ inte l'aotùnno 1746 e doppo longhi e incostanti negoçiæ fun concluze a [[Aquisgraña]] o [[18 òtôbre|18 ottobre]] [[1748]] in sce-a base de seguenti claozoe prinçipæ: restituçion de tùtti i territöi conquistæ da-i contendenti; assegnaçion a don [[Feipo de Borbon]] di ducati de Parma, Piaxença e Guastalla; ritorno a-o ''status quo ante'' do ducato de [[Modena]] e da [[Repùbrica de Zena|Repubbrica de Zena]]; renœuvo, a favô da Gran Bretagna, do Trattao de l'Asiento do [[1713]]; conferma da succescion protestante a-o trono ingleize; riconoscimento da Prammatica sançion (succescion de Maia Texo a-o trono asburgico) e riconoscimento de l'imperatô Françesco ascì; assegnaçion a-a Pruscia da Slexia.