De Born vun 2004 wiesen.

=== Katastrophen ===

* [[3. Januar]] - En [[Ägypten|ägyptischen]] Passageerfleger vun de [[Flaagsellschap]] [[Flash Airlines]] vun den Typ [[Boeing]] [[Boeing 737|737]] stört mit 148 Minschen an Boord in dat [[Root Meer|Rote Meer]]. Afstörtoorsaak is wohrschienlich en Problem in de Startphaas. Binoh all Oppers weren franzöösche Urlaubers op den Weg vun [[Sharm el Sheikh]] no [[Paris]].
* [[5. Februar]] - En Eerdbeven vun de Stärk 7,0 in [[Papua]], [[Indonesien]] föddert 37 Minschenleven.
* [[14. Februar]] - En Eerdbeven vun de Stärk 5,5 in [[Pakistan]] föddert 24 Minschenleven.
* [[24. Februar]] - En swoor Eerdbeven vun de Stärk 6,3 föddert in [[Marokko]] 600 Minschenleven. Dat Epizentrum leeg in de [[Straat vun Gibraltar]].
* [[18. Juli]] - Swore [[Monsun]]regenfäll mit Överswemmen in [[Indien]], [[Bangladesch]], [[Nepal]] un de [[Volksrepubliek China]] föddert üm un bi 1000 Minschenleven, Millionen Minschen warrt dackloos. 
* [[22. Juli]] - En Snelltog in de [[Törkie]] is op de Streek [[Istanbul]]-[[Ankara]], noh den Oort Mekece, ut de Spoor slippt. 38 Minschen blievt dood un mehr as 80 weren sehrt.
* [[1. August]] - Bi den Brand in dat Inkoopszentrum „Ycuá Bolaños“ in [[Asuncion]] in [[Paraguay]] blievt üm un bi 350 Minschen dood un 200 sehrt.
* [[13. August]] - Bi en Warvelstorm in de Provinz [[Zhejiang]] in de [[Volksrepubliek China]] sünd 63 Minschen dood bleven un mehr as 1800 sehrt worrn.
* [[13. August]] - De deelwiese Instört vun en School in [[Goldberg]] ([[Meklenborg-Vörpommern]]) föddert fief Minschenleven.
* [[15. August]] - De Warvelstorm „Charly“ reckt an de Küst vun [[Florida]]. Dör den Hurrikan sünd minnst 19 Minschen in de [[USA]] un dree Minschen in [[Kuba]] dood bleven.
* [[26. August]] - Vun de [[Wiehltalbrüch]] stört en mit Benzin beladen [[Lastwagen]], wobi de Fohrer dood blifft. Dör de Hitt vun den Brand hett de Brüch swore Schäden un blifft bet to'n 7. Oktober 2004 vullstännig sparrt. Bi dissen Unfall kummt en Schaden vun 32 Millionen Euro tosamen.
* [[8. September]] - Swore Störm siet den [[2. September]] in de Provinz [[Sichuan]] un de Metropool [[Chongqing]] in de [[Volksrepubliek China]] hebbt dör Överswemmen un Eerdrutschen minnst 172 Minschenleven föddert.
* [[8. September]] - De Hurrikan „Ivan“ föddert in [[Grenada]] minnst 24 Minschenleven.
* [[8. September]] - Bi en Minenunglück in’n Noorden vun de Törkie starvt minnst 19 Arbeider.
* [[16. September]] - De Hurrikan „Ivan“ reckt an de Küst vun de [[USA]]. 39 Minschen blievt in de nesten Daag dood.
* [[19. September]] - De Hurrikan „Jeanne“ teht över [[Haiti]]. In de nesten Daag starvt mehr as 1500 Minschen.
* [[20. Oktober]] - Bi en Minenunglück in de Daping-Kahlmien in de Provinz [[Henan]] in de [[Volksrepubliek China]] starvt üm un bi 150 Arbeider.
* [[21. Oktober]] - Dör en sworen [[Taifun]] starvt in [[Japan]] över 60 Minschen.
* [[23. Oktober]] - Bi dat sworste [[Eerdbeven]] in de [[Präfektur Niigata]] in [[Japan|Noordjapan]] siet över 70 Johren mit de Stärk 6,8 starvt 31 Minschen, üm un bi 2000 warrt sehrt un 100.000 dackloos. Dat eerste Maal in de Historie vun den [[Shinkansen]] slippt en Tog twüschen [[Urasa]] un [[Nagaoka]] ut de Spoor (kene Sehrten).
* [[6. November]] - Söven Minschen starvt un 56 warrt sehrt bi en Togunglück bi [[Reading]] westen vun [[London]].
* [[21. November]] - Bi en Flegerafstört in den Nanhai-Naturpark ([[Binnere Mongolei]]/[[Volksrepubliek China]]) starvt 53 Passageren un een Minsch an'n Bodden.
* [[26. November]] - Eerdbeven vun de Stärk 6,4 mit Epizentrum in [[Nabire]] ([[Indonesien]]). 10 Minschen blievt dood, 65 warrt sehrt.
* [[28. November]] - Bi en Minenunglück noh [[Tongchuan]] ([[Volksrepubliek China]]) starvt 165 Arbeider.
* [[2. Dezember]] - En Taifun fegt över de [[Phillipinen]] un föddert 1000 Minschenleven. 
* [[9. Dezember]] - En Fleger vun den Typ [[Panavia Tornado|Tornado]] vun de Düütsche Luftwapen stört in en Holt noorden vun den bayerschen Oort [[Kaufering]] af; beide Piloten blievt dood.
* [[26. Dezember]] - Bi en [[Eerdbeven]] in'n Indischen Ozean un en [[Tsunami]]-Flootwell blievt üm un bi 300.000 Minschen dood. Grote Schäden in de Küstenregionen vun den Golf vun Bengalen, Süüdasien un Süüdoostasien. Kiek [[Eerdbeven in’n Indischen Ozean 2004]].
* [[31. Dezember]] - 174 Doden bi en Brand in en Nachtklub in Buenos Aires.