De Born vun Spanien wiesen.

=== Bargen ===

De [[Pyrenäen]] in’n Noorn hefft na Westen hen noch en Foortsetten in de Kantabrischen Bargen, de bit na Asturien un Galicien gaht. Tosamen mit de Sierra de Gata un de Sierra de Gredos, de Sierra de Guadarrame un de Iberschen Bargen rahmt se de Landschap Oolt-Kastilien in. Ok de Hoochevene La Mancha südlich van Madrid is van Bargen umgeven: van de Toledo-Bargen, de Sierra Morena un de Serrania de Cuenca. An de Südküst liggt de [[Sierra Nevada]] (de Sneebargen) mit den hööchsten Barg van Spanien, den [[Mulhacen]] (3481 m).