Varda el testo de Ford

==Marcà globałi==
[[File:Ford factory LaBoca.jpg|thumb|Inpianto de asenblajo de veicołi in [[La Boca]], c. 1921.]]
Par sostenjer l'espansion mondiałe de l'azienda, A jera stà istituìe inte'l tenpo numaroze fiłiałi come Ford Europe, Ford Australia, Ford India e Ford China.
Inte'l [[1958]] ła ga introduzesto na nova marca, Edsel, ma łe scarse vendite łe ga portà a ła só fine avenjùa inte'l [[1960]]. Pì tardi, inte'l [[1985]] ga nasesto Merkur, ma anca eło el ga avesto fine pochi ani dopo, inte'l [[1989]].

Inisialmente, i modełi vendùi fora dai Stati Unìi i jera esensialmente i stesi de'l marcà mare, ma drioman A jera stà reałizà modełi spesìfeghi par sodisfar mejo łe ezigense dei singołi marcà. Łe [[world car]] speso łe ga otenjùo scarso suceso, ad ezenpio co ła prima [[Ford Mondeo|Mondeo]] łe vendite łe zera modeste in America, mentre co ła [[Ford Taurus|Taurus]] łe vendite łe zera poche in [[Japon]] e Austrałia, anca se łe veture łe jera dotàe de guida a dreta. Ła picola europea [[Ford Ka|Ka]], che ła gaveva otenjesto un òtemo suceso inte'l só marcà, no ła ga fato tante vendite in Japon. Ła Mondeo ła jera stà retirà da'l łistin da Ford Austrałia, parché el segmento che ła zera stà pozisionada el zera in declin, dao che i acuirenti i prefariva ła [[Ford Falcon (Austrałia)|Falcon]], de dimension pì grande. Na ecesion ła ze stà ła [[Ford Focus|Focus]] che ła gaveva vendùo ben sia in USA che in Europa.

A'l zorno d'ancò, Ford ła posiedie i propi stabiłimenti in tuto el mondo, pì presizamente in [[Canada]], [[Mèsego]], [[Regno Unìo|Renjo Unìo]], [[Xermania|Zarmania]], [[Spagna|Spanja]], [[Turchia]], [[Braziłe]], [[Arzentina]], [[Austrałia]], [[Sina]], [[Sudàfrega]] e nantre nasion. Łe oparasion non-manifaturiere łe zera zestìe da ła divizion Ford Motor Credit Company, che ła se ocupa dei aspeti finansiari łigài a ła vendita de łe veture.

===Europa===
[[File:Aachen Ford-Entwicklungszentrum.jpg|thumb|Sentro de reserca ad [[Aquisgrana]], Zarmania]]
Per cuanto revarda l'[[Europa]], A zera stà costruìi in Fransa, in Zarmania e inte'l Renjo Unìo modełi difarenti fin ai [[ani 1960|ani sesanta]], fin cuando ła [[Ford Taunus|Taunus]] e ła [[Ford Cortina|Cortina]] łe ze devenjeste conpanje, produzeste respetivamente co guida a sanca e co guida a dreta. Drioman, anca ła [[Ford Escort|Escort]] e ła [[Ford Capri|Capri]] łe zera deventàe comuni a entranbe łe conpanjìe. Ła rasionałizasion de łe łinee de produsion ła ga senjifegà el spostamento de ła costrusion de alguni modełi inglezi inte altri stabiłimenti europèi, cofà cuełi de'l [[Belzo]], de ła [[Spagna|Spanja]] e de ła [[Xermania|Zarmania]], co conseguente sarada de alguni inpianti. Ùltemo senjo de unifegasion l'è stà el rivo de ła [[Ford Sierra|Sierra]], berlina de [[segmento D]], che ła gaveva renpiasà ła Taunus e ła Cortina inte'l [[1982]].