عرض مصدر جاپونية

{{عيون ماكافيينش}}
{{معلومات لوغة}}
[[فيشي:Nihongo.svg|بديل="نيهونڭو" مكتوبة ب جاپونية|تصغير|معدول|"'''نيهونݣو'''" مكتوبة ب جاپونية]]
جّاپونية ('''日本語''' ، نيهونݣو | نيهون 日本 = جّاپون، ݣو 語 = لوغة) واحد [[لوغة شرقاسياوية|لّوغة شرق أسياوية]] [[لوغة معزولة|معزولة]] كايهضرو بيها شي 128 مليون، أغلبهوم ف [[الجاپون|جّاپون]]، لّي تمّا هي [[لوغة د لبلاد|لّوغة د لبلاد]]، ؤ كتر من 1.5 مليون [[تازماݣريت|زماݣري]] جاپوني ؤ ولادهوم ؤ حفادهوم لي عايشين ف بلدان خرين، سيرتو ف [[أمريكا الشمالية|أمريكا شّمالية]] ؤ [[أمريكا لجانوبية|لجنوبية]].<ref name="britt">{{Cite web
|url=https://www.britannica.com/topic/Japanese-language
|title=Japanese language
|website=[[لموسوعة لبريطانية]]
|language=en
|archive-url=https://web.archive.org/web/20230715161700/https://www.britannica.com/topic/Japanese-language
|archive-date=2023-07-15
|accessdate=2021-10-03
|url-status=live
}}</ref> جّاپونية كاتّكتب من ليسر ل ليمن ولّا من لفوق لتحت.

مامعروفش بزّاف فوقاش أوّل مرة بانت ف جاپّون. لوتائيق شّينوية من لقرن تّالت مسجّلة شي كليمات ب جّاپونية، ولاكين نّصوص د بصّح ما بانو حتا لقرن تّامن ف [[لوقيتة د هييان|لوقيتة د ''هييان'']] (794 – 1185)، [[الشينوية|شّينوية]] عندها تأتير كبير علا [[كلمة|لكلمات]] ؤ [[فونولوجيا|لفونولوجيا]] ديال [[جاپونية لقديمة|جّاپونية لقديمة]]. [[جاپونية لوسطانية لمعطلة|جّاپونية لوسطانية لمعطّلة]] (1185 – 1600) مبدّلة واحد شّوية ؤ قرب ل ديال دابا، ؤ فيها بداو يبانو [[ݣايرايݣو|لكلمات لّي موخودين من لّغات د ؤروپا]]. لّهجة سطوندار تبدّلات من لّهجة د [[لمنطقة د كانساي|كانساي]] ل لّهجة د [[لمنطقة د إيدو|إيدو]] (فين كاينة [[طوكيو]] دابا) ف لوقيتة د [[جاپونية لموديرن ديال بكري|جّاپونية لموديرن ديال بكري]] (لبدية د لقرن 17 – لوسط د لقرن 19). من بعد ما تحيّد [[ساكوكو|لعَزل لّي كانت دايراه جّاپون ل راسها]] ف 1853، ل كلمات لّي موخودين من لّغات د ؤروپا تزادو بزاف، بحال [[واسي إيݣو|لكلمات لّي لأصل ديالهوم هو لونݣلي]] متلا.

واخّا جّاپونية [[علاقة جينية (لسانيات)|ماكاتجيش]] ل [[الشينوية|شّينوية]]، ولكن كاتخدم ب [[رموز شينوية|رّموز شّينوية]] ف لكتبة ديالها، لّي كيتسمّاو [[كانجي|''لكانجي'']] (漢字)، لّي لأغلبية ديال رّموز ديالو [[كانݣو|جايين من شّينوية]]. [[سيستيم د لكتبة د جاپونية|سيستيم د لكتبة د جّاپونية]] خدّام ب ''لكانجي'' ؤ [[هيراݣانا|''لهيراݣانا'']] (ひらがな ولّا 平仮名) ؤ [[كاطاكانا|''لكاطاكانا'']] (カタカナ ولّا 片仮名). [[كتبة لاتينية|لكتبة لّاتينية]] كاتستعمل مرة مرة، بحال ف لختيصارات، ؤ ف [[سيستيم د لأرقام]] كاتخدم غالبا ب [[أرقام لغبارية|لأرقام لغبارية]] ؤ حتا [[أرقام د شينوية|لأرقام د شّينوية]].

== تّاريخ ==

=== قبل تّاريخ ===
[[فيشي:Genryaku_Manyosyu.JPG|تصغير|324x324بك|صفحة من [[مانيوشو]]، أقدم تجميعة د لقصائد جّاپونية]]
جّاپونية لبدائية، لّوغة لأصل ديال جّاپونية ؤ [[لغات ريوكيوانية|لّغات ريوكيوانية]]، كايݣولو بلّي جابوها نّاس لّي جاو ل جّاپون من لقارّة د آسيا ولّا لجزر لقراب د [[لمحيط لمهدن|لمحيط لهادي]] من قبل لقرن 2 قبل لميلاد ([[لوقيتة د يايوي|لوقيتة د ''يايوي'']])، بلاصات لّغات دّوريجين ديال [[ناس د جومون|جومون]] لي كانو عايشين تماك، ؤ حتا لّوغة لأصل د [[لوغة د لأينو|لأينو]]. مامعروفش بزاف علا جّاپونية فهاد لوقيتة، حيت كانو مازال ما جابو لكتابة من شّينوا.

=== جّاپونية لقديمة ===
هي أقدم ڤيرسيو عندنا علا جّاپونية، سيستيم د لكتبة د شّينوية جا ل جّاپون مع لإنتيشار د [[بودية|لبودية]]. نّصوص لقدام لّي تلقاو ف جّاپون كانو مكتوبين ب [[شينوية لكلاسيكية|شّينوية لكلاسيكية]]، لّي يقدر يكونو كايتّقراو ب طّريقة د [[كانبون]]، شي نصوص كان عندهوم تأتير على لݣرامّير ديال جّاپونية، بحال تّرتيب د لكلمات (متلا، لفيعل مورا لمفعول به). ف هاد نّصوص لهجينة، رّموز شّينوية كانو مرة مرة كايتستاعملو باش يعبّرو علا صّوت ديال شي [[حروف جّاپونية|حرف جّاپوني]]. نّصوص لقدام، [[كوجيكي|لكوجيكي]]، لّي لوقت ديالهوم كايرجع لقرن 8، كانو مكتوبين كاملين ب رّموز د شّينوية. نّهاية د جّاپونية لقديمة جات مع نّهاية د [[لوقيتة د نارا]] ف 794. جّاپونية لقديمة كاتستعمل سيستيم د لكتابة [[مانيوݣانا]].

=== جّاپونية لوسطانية د بكري ===
[[فيشي:Genji_emaki_01003_001.jpg|تصغير|270x270بك|جوج صفحات من لقرن 12 د [[إماكيمونو]] ديال [[لقصة د ڭينجي|لقصّة د ݣينجي]].]]
جّاپونية لوسطانية د بكري هي جّاپونية ف [[لوقيتة د هييان|لوقيتة د ''هييان'']]، من 794 حتال 1185. جّاپونية لوسطانية د بكري كان عليها تأتير كبير ديال شّينوية من ناحية د لفونولوجي ديالها.

=== جّاپونية لوسطانية لمعطّلة ===
جّاپونية لوسطانية لمعطّلة كانت من 1185 تال 1600، تقدر تقسّمها علا جوج، [[لوقيتة د كاماكورا|لوقيتة د ''كاماكورا'']]، ؤ [[لوقيتة د موروماتشي]].

لفورمة لّخرانية د جّاپونية لوسطانية لمعطّلة كانت هي لّولا لّي توصفات من مصادر ماشي جّاپونية.

جّاپونية لوسطانية لمعطّلة فيها أوّل لكلمات لّي موخودين من لّغات د ؤروپا بحال ''پان'' ("لخبز") ؤ ''طاباكو'' ("طّابا") بجوج من [[لبرتغالية|لبرطقيزية]].

=== جّاپونية لموديرن ديال بكري ===
جّاپونية لموديرن ديال بكري كانت لّهجة لي تستعملات مورا [[لإصلاح د ميجي]]. جّاپونية لموديرن ديال بكري طّورات بشوية بشوية ف لقرن 19 ل جّاپونية لموديرن. غير من بعد 1945، منين سالات لحرب لعالمية تّانية، عاد ولّات جّاپونية لموديرن سطوندار، ؤ ولّا كايبان لستيعمال ديالها ف أغلب لتيصالات رّسمية. ف هاد لوقيتة كانو كايستعملو ف لكتابة ل هيراݣانا ؤ لكاطاكانا ؤ رّموز د شّينوية تقليدية لي كايتسمّاو "[[رموز د شينوية|''هان'']]" لّي من بعد تطورات ل "لكانجي".

=== جّاپونية لموديرن ===
جّاپونية لموديرن بدات مع [[لوقيتة د إيدو]]، لّي دوّزات من 1603 تال 1868. من يّامات جّاپونية لقديمة جّاپونية سّطوندار كانت هي [[لهجة د كانساي|لّهجة د كانساي]]، خصوصا ديال [[كيوطو]]. ولكن ف لوقيتة د إيدو، إيدو (لّي هي [[طوكيو]] دابا) تطورات ولّات أكبر مدينة ف جّاپون، ؤ ولّات لّهجة ديال ديك لبلاصة هي لّهجة سّطوندار. ملّي حيدات جّاپون [[ساكوكو|لحصار لي كانت دايراه علا راسها]] ف 1853، تزادو بزاف لكلمات لّي موخودين من لّغات د ؤروپا، بحال لألمانية، لبرطقيزية ؤ [[نݣليزية|لونݣلي]]. بزاف د لكلمات لّي موخودين من لونݣلي عندهوم علاقة ب طيكنولوجيا، بحال ''pasokon'' - ''باسوكون'' (ختيصار ل "personal computer" - لحاسوب شّخصي)، ''intānetto'' - ''إينطانيطّو'' ("internet" - لانطيرنيط)، ؤ ''kamera'' - ''كاميرا'' ("camera" - لكاميرا).

== تّوزيع لجوغرافي ==
واخّا جّاپونية كايهدرو بيها تقريبا غير ف جّاپون، كانو كايهدرو بيها حتا برّا، ف لوقيتة د [[لحرب لعالمية الجاوجة|لحرب لعالمية تّانية]] ؤ قبل منّها. ملّي جّاپون كانت شادّة [[طايوان|طّايوان]] ؤ [[كوريا]]، ؤ شي بلايص من [[الشينوا|شّينوا]] ؤ [[فيليپين|لفيليپّين]]، ؤ شي جزر من لمحيط لهادي، نّاس لي ف [[لمجال د لزديهار لمشترك د شرق د أسيا لكبيرة|هاد لبلدان]] تعلمو جّاپونية حيت هي لّوغة د لإمبراطورية، حتال دابا نّاس لكبار ف هاد لبلايص مازالين كايهدرو بيها.

[[جاپونيين لي ف لخاريج|جّاپونيين لّي ف لخاريج]] (أكبر نسبة كانلقاوها ف [[لبريزيل]]، ما بين 1.4 مليون ؤ 1.5 مليون جاپّوني زماݣري ؤ لّي كابرين تمّا، علا حساب لمعلومات د لـ [[لمعهد لبرازيلي د لجغرافيا ؤ لإحصاء|IBGE]]، ؤ كتار من 1.2 مليون ف [[الولايات المتاحدة د ميريكان|ميريكان]]) بعض لمرّات كايخدّمو جّاپونية هي لّوغة لأساسية. تقريبا 12% ديال سكّان د [[هاواي]] كايهدرو ب جّاپونية، حيت تقريبا 12.6% من سكّان أصلهوم من جّاپون ف2008. تقدر تلقا زماݣرية د جّاپون حتا ف [[پيرو]]، [[لارجونتين|لارجنتين]]، [[ؤسطراليا]] (خصوصا لولايات د شّرق)، [[كانادا|كاندا]]، (خصوصا ف [[ڤانكوڤر]] لّي 1.4 من سكّان ديالها لأصل ديالهوم جاپّوني)، [[الولايات المتاحدة د ميريكان|ميريكان]] (خصوصا ف [[هاواي]]، لّي 16.7 من سكّان ديالها لأصل ديالهوم جاپّوني، ؤ [[كاليفورنيا]])، ؤ [[فيليپين|لفيليپين]] (شوية من لمنطقة ديال [[داڤاو]] ؤ لجهة د [[لاݣونا]]).

== تّرسيم ==
جاپّونية ماشي رسمية ف تّا دولة، ولكن هي [[لوغة د لبلاد|لّوغة د لبلاد]] لّي [[معمول بيه]]ا ف جاپّون. كاينة لفورمة سطوندار ديال جّاپونية: ''هيوجونݣو'' (標準語)، زعما "جّاپونية سطوندار"، ولّا ''كيوتسوݣو'' (共通語)، زعما "لّوغة لعامّية". تقريبا هاد لكلمات بجوج عندهوم نفس لمعنى. هاد لّوغة تولدات مورا [[لإصلاح د ميجي]] (明治維新، ''مِيْجِي إشين''، 1868) من لّوغة لّي كانو كايهدرو بيها لبلايص ديال طّبقة لعاليا ف طوكيو ([[يامانوطي]]). ''هيوجونݣو'' كاتّقرّا ف لمدارس ؤ كاتستعمل ف تّلفازة ؤ ف تّواصل رّسمي. ؤ هي جّاپونية لّي داويين عليها ف هاد لارتيكل.

كانت لكتابة سطوندار د جّاپونية (文語، [[جاپونية كلاسيكية|''بونݣو'']]، "لّوغة لحرفية") مبدّلة على لعامّية (口語، ''[[كوݣو]]''). هاد سّيستيمات بجوج كان عندهوم تّراكيب مبدّل ؤ حتا شي ختيلاف ف لكلمات. ''بونݣو'' كانت هي طّريقة لأساسية د لكتابة ب جّاپونية حتال جوايه 1900؛ من تمّا ''كوݣو'' بدات كاتعطي تأتير بشّوية بشوية ؤ بقاو كايتستاعملو سيستيمات بجوج حتال رّبعينات د لقرن لّي فات. بونݣو باقي كايحتاجوها نّاس د لآداب، لمؤرّخين ؤ حتا لمحاميين ؤ نّاس د لقانون (بزاف د لقوانين د جّاپون لّي باقا من قبل [[لحرب لعالمية الجاوجة|لحرب لعالمية تّانية]] مازالا مكتوبة ب لـ ''بونݣو''، واخّا كايدّارو مجهودات باش يردّوهوم مكتوبين ب لوغة موديرن). ''كوݣو'' هي طّريقة د لكتابة ؤ لهدرة لّي خدّامة بيها جّاپونية د ليوم، واخّا هاكّاك تّراكيب ؤ لكلمات ديال ل ''بونݣو'' كايتستاعملو مرة مرة ف جّاپونية لموديرن.

== لّهجات ==
[[فيشي:لّهجات_ؤ_لّوغات_ديال_لأرخبيل_د_جّاپون.png|تصغير|upright=1.5|خريطة د لّهجات د جّاپون ؤ لّوغات ديال لأرخبيل جّاپوني]]
كاينين بزاف د لّهجات ف جّاپون. هادشّي راجع ل بزاف د لعوامل، بحال طّول د لمدة لّي تسكن فيها [[لأرخبيل د جّاپون]]، كترة جّبال ف لجزر ديالو، ؤ تّاريخ طّويل ديال لعزل دّاخلي ؤ لخارجي د جّاپون.

أهمّ ختيلاف ف لّهجات د جّاپون هي لّي كاين ما بين لفورمة ديال طوكيو (東京式، ''طوكيو-شيكي'') ؤ لفورمة د كيوطو-ؤساكا (京 式، ''كيْهان-شيكي''). لّي كل وحدة ف هاد جّوج حتا هي فيها أنواع. لّهجات ديال لفورمة د كيوطو-ؤساكا كاينين ف لمنطقة لوسطانية، لّي مكوّنة من [[كانساي]]، [[شيكوكو]]، ؤ لمناطق لغربية ديال [[هوكوريكو]].

لّهجات ديال لمناطق لّي جاو ف لقنات، بحال [[طوهوكو]] ولّا [[كاݣوشيما]]، يقدرو ݣاع ما يفهموهم نّاس لّي من لبلايص لوخرا د لبلاد.

كاينين شي [[جزيرة د لوغة|جزر د لّغات]] ف لڤيلاجات لّي ف جّبال ولّا ف لجزر لمهجورة بحال [[هاتشيجوجيما|لجزيرة د هاتشيجو-جيما]] لّي لّهجات ديالها جايّة من لّهجات شّرقية د [[جاپونية قديمة|جّاپونية لقديمة]]. لّهجات ديال لمنطقة د [[كانساي]] معروفين ولّا كايهدرو بيهوم بزاف د جّاپونيين، ؤ لّهجة د [[ؤساكا]] بضّبط مرتابطة ب لكوميديا. لّهجات ديال [[طوهوكو]] ؤ شّمال د [[كانطو]] مرتابطين ب لفلّاحة.

[[لّغات ريوكيوانية]] لّي كايهدرو بيهوم ف [[ؤكيناوا]] ؤ [[لجزر د أمامي]] (لي راهوم جزء من [[كاݣوشيما]])، مبدّلين بشكل كافي باش يتحسبو برونش بوحدها ف [[لغات جاپّونيكية|لعائلة د لّغات جاپّونيكية]]؛ حيت ماشي غير مامفهومينش لنّاس لّي كايهدرو ب جّاپونية، ولكن مامفهومينش حتا لّي كايهدرو ب لّغات رّيوكيوانية لخرا. وخّا هكاك، بزاف د نّاس كايعتابرو هاد لّغات ريوكيانية لهجات د جّاپونية. نّاس لّي كايهدرو لّغات رّيوكيوانية هوما نّاس لكبار لّي لعدد ديالهوم غادي ؤ كاينقص، حتا [[يونيسكو|ليونيسكو]] كلاساتهوم مهدَّدين، حيت يقدرو مايبقاوش ف 2050. ؤ نّاس صّغار ف لعمر كايستاعملو غير جّاپونية ؤ ماكايفهموش لّغات ريوكيوانية. [[جاپونية د ؤكيناوان|جّاپونية د ؤكيناوان]] جايّة من جّاپونية سّطوندار ؤ متأترا ب لّغات ريوكيوانية. ؤ هي لّهجة لّي كايهدرو بيها نّاس صّغار ف [[جزر ريوكيو|لجزر د ريوكيو]].

جّاپونية لموديرن ولّات طاغية ف ݣاع لبلاد (حتا ف لجزر د ريوكيو) بسباب [[تعليم|تّعليم]]، [[لميديا]]، ؤ لرتيفاع ديال تّنقل ف جّاپون، ؤ حتا لإدماج ليقتيصادي.

== تّصنيف ==
جّاپونية من لعائلة د لّغات جّاپونيكية، لّي فيها حتا [[لغات ريوكيوانية|لّغات]] لّي كاينين ف [[جزر ريوكيو|لجزر د ريوكيو]]. حيت هاد لّغات قراب لبعضياتهوم، غالبا كايتعاملو معاهوم علا أساس لهجات ديال لوغة وحدة، جّاپونية كاتعتابر غالبا [[لوغة معزولة]].

علا حساب [[مارتين روبيتس|مارتين إيرما روبيتس]]، كانت بزاف د لمحاولات باش يبيّنو لعلاقة د جّاپونية مع لغات وحداخرا ف لعالم.

لهتيمام د لعلماء د لّسانيات ب جّاپونية بدا ف لّخر د لقرن 19، من ديك سّاعة شي محاولات دّارو باش يشوفو لعلاقة د جاپونية ب لغات اخرا ولّا عائلة د لّغات بحال متلا أينو، لكورية، شّينوية، [[لغات تيبيتية-بورمية|تّيبيتية-لبورمية]]، [[لغات ؤرالية-ألطائية|لؤرالية-لألطائية]]، لألطائية، لؤرالية، [[لغات أسترو-أسيوية|لأسترو-أسيوية]]، [[لغات مالايو-پولينيزية|لمالايو-پولينيزية]] ؤ [[لغات ريوكيوانية|ريوكيوانية]]. غير بزّز، شي علماء د لّسانيات قتارحو يربطوها مع لّغات [[لغات هندية-ؤروپية|لهندية-لؤروپية]]، ولكن ف لّخر غير ربط مع رّيوكيوانية لّي كان عندها دعم كبير.

=== نّضريات ؤ لحتيمالات لّي كاينة دابا ===
نّضريات جديدة كاتحاول تربط جّاپونية من جهة ب لّغات د شمال آسيا، بحال [[لكورية]] ولّا لعائلة لكبيرة د [[لغات ألطائية|لّغات لألطائية]]، ؤ من جهة اخرا ب شي [[لغات جنوب-شرق آسيا|لغات د لجنوب شّرقي د آسيا]]، خصوصا [[لغات ؤسطرالونيزية|لؤسطرالونيزية]]. حتا وحدا من هاد لقتيراحات ما كان عندها قبول كبير، ؤ لّغات لالطائية براسهوم باقي عليهوم لهضرا.

نضريات اخرا كاتشوف جاپونية يا إمّا واحد [[لوغة كريولية|لّوغة كريولية]] قديمة بانت ب تأتير ديال عل لأقل د شي جوج لغات مبدلين علا بعضياتهوم ولّا جوج مجموعة د لّغات، ولّا لوغة بوحدها مختالفة لّي تأترات ب لّغات لّي حداها.

ؤ دابا، جّاپونية مصنفة مع لّغات جّاپونيكية ولّا لوغة معزولة، بلا مامعروف واش رّيوكيوانية محسوبة لهجة ولّا لّا.

== فونولوجيا ==

=== لحركات (ڤواييل) ===
{| class="wikitable"
|+
!
!لقدّام
!لوسط
!لّور
|-
|'''مسدود'''
|i
|
|u
|-
|'''مابين ؤ بين'''
|e
|
|o
|-
|'''محلول'''
|
|a
|
|}

== سيستيم د لكتابة ==
[[فيشي:Nihongo_ichiran_01-converted.svg|تصغير|471x471بك|طابلو د لكانا (فيه حتا ''[[يوؤن|ليوؤن]]'')، [[هيراڭانا|لهيراڭانا]] هي لحرف لفوقاني، [[كاطاكانا|لكاطاكانا]] هو لوسطاني ؤ كيفاش كاتقرا لتحت (ب حروف لاتينية).]]

=== تّاريخ ===
لكتابة بانت ف جّاپون على شكل د سيستيم د لكتابة د شّينوية، من عند [[بايكجي]] قبل لقرن لخامس. لملك د جاپبون [[لملوك ديال وا|بو]] كان كتب عريضة ل [[لإمبراطور شون د صونݣ]] ف عام 478. مورا لإنهيار د بايكجي، جّاپون عرضات علا لمختصّين شّناوا يجيو باش تعلّم كتار على سيستيم د لكتابة د شّينوية. لأباطرة د جّاپون رسّمو لمختصّين شّناوا ؤ نشرو لستعمال د رّموز شّينوية من لقرن سّابع حتا لقرن تّامن.

ف لبدية، جّاپونية تكتبات ب [[شّينوية كلاسيكية|شّينوية لكلاسيكية]]، ؤ سّميات جّاپونية تكتبو برّموز لّي عندهوم نفس لمعنى مع سّمية ماشي لّي كايتنطقو بحالها. من بعد ف لقرن سّابع، جّاپونية كانت كاتّكتب ب رّمز علا حساب كيفاش كاتنطق، ؤ شي كلمات كانو مازالين كايتكتبو علا حساب لمعنى ماشي نّطق. من هنا بدات لكتابة ب جّاپبونية تمشي ف طريق بوحدو. ؤ فهاد لوقت، جّاپونية كانت ديجا مبدلة بزاف علا [[لغات ريوكيوانية|لّغات رّيوكيوانية]] لخرا.

مع لوقت، بان واحد سيستيم د لكتابة جديد، [[رموز شينوية|رّموز شّينوية]] ([[كانجي|لكانجي]]) كانو كايتستاعملو يا إما باش يتكتبو لكلمات لّي موخودين من شّينوية، ولا لكلمات جّاپونية لّي عندهوم معني قريب ولّا هو نّيت. ؤ كان كايتّكتب ب هاد رّموز حتا لعناصر ديال تّراكيب، لّي من بعد تبسّطو ؤ ولّاو كلمات صغار: [[هيراݣانا]] ؤ [[كاطاكانا]] لّي بازاوهوم علا [[مانيوݣانا|لمانيوݣانا]] من بايكجي. ولكن هاد لفتيراض د "مانيوݣانا من بايكجي" كايرفضوه شي مختصّين.

لهيراݣانا ؤ لكاطاكانا ف لّول تبسطو من لكانجي، ؤ لهيراݣانا ف جوايه لقرن تّاسع كانو كايتبو بيهوم لعيالات. لهيراݣانا كانت كاتعتابر كتابة ماشي رسمية، ؤ لكانجي ؤ لكاطاكانا كانو كايتعتابرو رسميين كتر، كانو كاكتبو بيهوم رّجال ؤ ف لحاجات رّسمية. ولكن لهيراݣانا من بعد ف لقرن 10، ولّا كلشي كايكتب بيها.

جّاپونية ديال ديال دابا كاتكاتب ب تّخليطة ديالهوم ب تلاتة: [[كانجي|لكانجي]]، لّي جاي من رّموز شّينوية كايتكتبو بيهوم لكلمات لّي موخودين من شّينوية ؤ عدد ديال [[مورفيم|لمورفيمات]] لّي أصلا جاپونية؛ ؤ [[هيراݣانا|لهيراݣانا]] ؤ [[كاطاكانا|لكاطاكانا]].

[[كتبة لّاتينية|لكتبة لّاتينية]] (ب جّاپونية: ''روماجي'') كايتستخدم مرة مرة، بحال لختيصارات لّي جايّين من برّا ولّا باش يعرفو نّاس لّي ماكايهدروش ب جّاپونية كيفاش كاتنطق شي كلمة. لأرقام د لعربية كايتخدّمو كتار من لكانجي بزاف ف لحساب، ولكن لأرقام د لكانجي باقي كايتستاعملو فلكلمات لمركّبة، بحال متلا 統一 ''طويتسو'' ("تّيحاد").

تاريخيا، لمحاولات باش ينقصو لعدد د لكانجي بداو ف وسط لقرن 19، ولكن هادشي ماتدخلاتش فيه لحكومة حتا خسرات جّاپون ف [[لحرب لعالمية جاوجة|لحرب لعالمية تّانية]]. ف لوقيتة مور لحرب، تقتارح يتحيّد لكانجي ݣاع ؤ يتّكتب غير ب رّوماجي. ولكن لقتيراح د ''[[جويو كانجي]]'' ("لكانجي لمتداول بزاف") دّار بيه كـ حل وسط.

تّلاميد جّاپونيين كايبداو يتعلّمو لكانجي من لبيت لّول ف لپتيدائي. لوزارة ديال تّعليم د جّاپون دايرة واحد دّليل د لإرشاد، لّيسطة ديال [[كيوئكو كانجي|''لكيوئكو كانجي'']] ("لكانجي تّعليمي")، فيه 1006 ديال رّموز لبساط لّي خص تّلميد يكون تعلّمهوم ملّي يسالي بيت سّادس. دّراري صّغار كايقراو 1130 رمز وحداخر ف لإعدادي، باش يكون كمّلو 2136 ''[[جويو كانجي]]''. لّيسطة رّسمية ديال ''[[جويو كانجي]]'' تراجعات شي مرات، ولكن لعدد ديال رموز بقا هو هاداك.

أمّا بنّسبة لـ ل[[كانجي]] لّي كايتستخدم ف لكتابة د سّميات، لقضية شوية معقدة، ''[[جويو كانجي]]'' ؤ ''[[جينمييو كانجي]]'' (زيادة د رموز اخرا لـ سّميات) معتارفين بيهوم ف تّسجيل د سّميات. سّميات لّي فيهوم شي رموز ݣاع ما معترف بيها ماكايتقبلوش ف تّسجيل. ولكن لّيسطة د ''[[جويو كانجي]]،'' لمعايير ديال لقبول غالبا تعسفية ؤ ردّات بزاف د رّموز لمتداولة ؤ شّائعة أنها ترفض. تحت ضّغط د نّاس ؤ متابعة قضائية، لّيسطة ديال ''[[جينمييو كانجي]]'' تزادت من 92 ف 1951 لـ 983 ف 2004.

=== هيراݣانا ===
لهيراݣانا كايتكتبو بيهوم لكلمات لّي ماعندهوم حتا كتبة ب لكانجي، ؤ لـ كلمات لّي مابقاوش كايتكتبو ب لكانجي، ؤ مورا لكانجي باش يبيّنو تّصريف د لكلمة. حيت طّريقة باش لأفعال (ؤ صِّفات) كايتصرّفو ف جّاپونية، لكانجي بوحدو ماكافيش باش تعبّر على تّصريف، حيت لكانجي مايمكنش تبدّل طّريقة د لكتابة ديالو بلا مايتبدّليه لمعنى. هاد طّريقة د ليستيخدام ديال لهيراݣانا كاتسمّى ''[[ؤكوريݣانا]]''.

لهيراݣانا تقدر تلقاها مكتوبة كتبة صغيورة فوق ولّا حدا لكانجي باش تورّي طريقة صّحيحة باش كايتّقرا، هاد لّعيبة سميتها ''[[فوريݣانا]]''. ؤ كاتدّار باش تسهّل تّعليم، ؤ باش توضّح لكتابة لّي قديمة ولّا مامفهوماش (ولّا بعض لمرّات مصاوبة).

=== كاطاكانا ===
لكاطاكانا، كايكتبو بيهوم لكلمات لبرّانية، سّميات د نّباتات ؤ لحيوانات، ولّا لتّوكيد.

متلا، "ؤسطراليا" لّي هي ''ؤوسوطوراريا'' (オーストラリア)، ؤ "سوپّيرمارشي" لّي هي ''سوپّا'' (スーパー).

== عيون لكلام ==
{{عيون}}
{{Commons category|Japanese language}}
{{ضبط مخازني}}

[[تصنيف:لوغات ألطية]]
[[تصنيف:الجاپون]]
[[تصنيف:لوغات د أسيا]]
[[تصنيف:مقالات فيها مصدر و 3000 بايت]]