Besjoch de boarne foar The Spirit Ring

{{Literatuer
| ôfbylding                    = 
| ôfbyldingstekst              = 
| ôfbyldingsbreedte            = 
| titel                        = ''The Spirit Ring''
| oarspr. titel                = 
| auteur                       = [[Lois McMaster Bujold]]
| taal                         = [[Ingelsk]]
| foarm                        = [[roman]]
| sjenre                       = [[fantasy (sjenre)|fantasy]]
| 1e publikaasje               = [[1992]], [[New York (stêd)|New York]]
| 1e opfiering                 = 
| oarspr. útjouwer             = [[Baen Books]]
| rige                         = 
| foarich diel                 = 
| folgjend diel                = 
| bondel                       = 
| prizen                       = nom. foar in [[Locus Award]]
| ISBN                         = 0 67 17 21 429 
| Fryske titel                 = 
| publikaasje                  = 
| útjouwer                     = 
| oersetter                    = 
| prizen oers.                 = 
| ISBN oers.                   = 
}}
'''''The Spirit Ring''''' is in [[fantasy (literêr sjenre)|fantasy]]-[[roman]] fan 'e hân fan 'e súksesfolle en mannichfâld bekroande [[Feriene Steaten fan Amearika|Amerikaanske]] [[skriuwer|skriuwster]] [[Lois McMaster Bujold]]. It is in op himsels steand ferhaal, dat foar it earst útjûn waard yn [[1992]]. It is ûnderwilens oerset yn acht talen.

==Eftergrûn==
Begjin jierren njoggentich, nei't se sân romans en trije [[novelle]]n yn it [[science fiction]]-sjenre útbrocht hie, besleat Lois McMaster Bujold om ek yn it fantasy-sjenre troch te brekken. Dêrta skreau hja ''The Spirit Ring'', sûnder dêr yn 't foar in [[útjouwer]] foar socht te hawwen. Nei't se it boek ôf hie en om in útjouwer omsjoen hie, mar net in protte oanbiedings fûn hie, kearde se werom nei har fêste [[útjouwerij]] ''[[Baen Books]]'', dêr't útjouwer [[Jim Baen]] ''The Spirit Ring'' foar in ridlike priis opkocht op betingst dat Bujold har neitiid wer oan science fiction wije soe, yn 'e foarm fan fierdere dielen fan har populêre ''[[Vorkosigan-kroniken]]''. Yn 'e mande mei de hertlauwe ûntfangst troch [[resensint]]en en de midsmjittige ferkeapsifers fan ''The Spirit Ring'' neamde Bujold dizze ûnderfining "tige edukatyf".
[[File:Bujold2012.png|thumb|left|220px|Lois McMaster Bujold op 'e ''Finncon''-konvinsje te [[Tampere]], yn [[Finlân]] ([[2012]]).]]

''The Spirit Ring'', dat oerset wurde kin as "De Geastering", wie trouwens wol Bujold har earste boek dat yn in hardcover-edysje ferskynde. It boek [[fertelperspektyf|is skreaun]] yn it [[personeel perspektyf|personele perspektyf]] en waard foar it earst útjûn troch ''Baen Books'' yn novimber 1992. De earste paperback-edysje kaam út yn oktober [[1993]]; de twadde yn oktober [[1996]]; en de trêde yn maaie [[2000]]. Yn maart [[2002]] ferskynde ''The Spirit Ring'' as [[e-boek]] en yn febrewaris [[2012]] as [[audioboek]]. Op 't heden (febrewaris [[2013]]) is it allinne noch te besetten as e-boek of yn 'e [[Spaansk]]e oersetting.

''The Spirit Ring'' spilet yn in fantasy-ferzje fan it [[Itaalje|Noarditaljaanske]] [[Piëmont]], dêr't [[tsjoenderij]] in fêststeand feit is en in normaal ûnderdiel fan beskate ambachten. It ferhaal is loskes basearre op ûnderskate boarnen. Ien dêrfan is ''[[De Re Metallica]]'', fan [[Georgius Agricola]] ([[1494]]-[[1555]]), in tekst dy't postúm útjûn waard yn [[1556]] en 180 jier lang it lêste wurd op it mêd fan mynbou en smelterij bleau. In oaren is de [[autobiografy]] fan 'e Italjaanske [[goudsmid]], [[byldhouwer (keunstner)|byldhouwer]], [[keunstskilder]], soldaat en [[musikus]] [[Benvenuto Cellini]] ([[1500]]-[[1571]]).

==Plot==
De haadpersoan fan ''The Spirit Ring'' is de fyftjinjierrige Fiametta, de dochter fan 'e mastersmid en tsjoender Prospero Beneforte, dy't libbet yn 'e fiksjonele [[stêdsteat]] Montefoglia. Master Beneforte bedjert Fiametta, dy't syn ienlingsbern is, en hat har leard om betsjoenende metaalbewurking te ferrjochtsjen, ek al wurdt soks yn 'e regel net beskôge as foechsum foar in famke. Fiametta is yn it bysûnder bedreaun yn [[pyrokineze]], it skeppen en behearskjen fan fjoer mei jins geast, en yn 'e iepeningssêne fan it boek is hja dwaande mei it jitten fan in liuwekopring dêr't se in leafdestsjoen oerhinne leit. Mar it docht bliken dat de betsjoening inkeld in 'oprjocht hert' identifisearret, ynstee fan sa'n hert te fangen, en Fiametta hat de straal yn as it hert dat de ring útsiket, dat is fan 'e jonge [[Switserlân|Switserske]] mynwurker Thur Ochs, dy't nei Montefoglia ta kommen is yn 'e hope dat syn broer Uri, dy't yn 'e paleisgarde fan hartoch Sandrino fan Montefoglia tsjinnet, him in baantsje op it hartochlik kastiel besoargje kin.

Mar Uri Ochs komt om yn 'e striid as in ambisjeuze hierlingelieder, hear Ferrante, yn Montefoglia in bloedige steatsgreep útfierd en de troan grypt. Ferrante syn kweawillige tsjoender, Vitelli, makket Uri syn lichem yn om it goed te hâlden foar letter gebrûk by it meitsjen fan in ring fan macht — de geastering út 'e titel. Fiametta en har heit, dy't tafalligerwize yn it kastiel oanwêzich wiene doe't it gefjocht útbriek, slagje deryn te ûntkommen, mar wurde efterfolge troch Ferrante syn trewanten. Master Beneforte stjert oan in hertoanfal wylst er de efterfolgers tsjinkeart sadat Fiametta útnaaie kin, en syn lichem wurdt einlings by dat fan Uri foege as helpboarne foar it meitsjen fan 'e ring.
{{Plotbedjer}}
Neitiid ûntdekke Fiametta, Thur Ochs en de pleatslike abt, faar Monreale, wat de snoade plannen fan Ferrante binne. Om dy te dwerseidzjen, smeie se in mear as libbensgrut brûnzen Perseus-byld (in masterwurk fan master Beneforte dat er fanwegen syn hommelse dea nea ôfmeitsje kinnen hat), dat út frije wil beset wurdt troch de geast fan Uri Ochs. Dy ûnoerwinlike soldaat is by steat en liedt in soadsje ûngeregeld fan stedsjers by in oanfal op it kastiel. Nei't er yn it kastiel trochkrongen is, deadet er hear Ferrante krekt foar't er ôfkuollet ta ûnbeweechlikens. Faar Monreale jout de geasten fan alle omkommen slachtoffers fan hear Ferrante absolúsje en Fiametta slagget deryn om 'e geastering teneate te dwaan, wylst master Beneforte yn geastene foarm helpt om 'e tsjoender Vitelli ûnder fuotten te heljen. It ferhaal einiget mei it houlik fan Fiametta en Thur Ochs.

==Oersettings==
* [[Ofbyld:flag of France.svg|20px]] [[Frânsk]] (''L'Esprit de l'Anneau Profane''), fert. Iawa Tate, 1994; 
* [[Ofbyld:flag of Italy.svg|20px]] [[Italjaansk]] (''Terra di Incantesimi''), fert. Claudia Verpelli, 1994; 
* [[Ofbyld:flag of Germany.svg|20px]] [[Dútsk]] (''Fiamettas Ring''), fert. Michael Morgental, 1997; 
* [[Ofbyld:flag of Russia.svg|20px]] [[Russysk]] (''Koľca Duchov''), fert. I. Gurova, 1997; 
* [[Ofbyld:flag of Bulgaria.svg|20px]] [[Bulgaarsk]] (''Okovnijat Prăsten''), fert. Milena Ilieva, 2001; 
* [[Ofbyld:flag of Japan.svg|20px]] [[Japansk]] (''Supiritto Ringo''), fert. Ayako Ogiso, 2001; 
* [[Ofbyld:flag of Poland.svg|20px]] [[Poalsk]] (''Pierścień Duszy''), fert. ?, 2004; 
* [[Ofbyld:flag of Spain.svg|20px]] [[Spaansk]] (''El Anillo del Espíritu''), fert. Marian Tobalina, 2007;
* [[Ofbyld:flag of Italy.svg|20px]] [[Italjaansk]] (''L'Anello dell'Incantesimo''), fert. Annarita Garnieri, 2008.

==Prizen en nominaasjes==
* Twadde plak foar de ''[[Locus Award]]'' foar de bêste fantasy-roman fan 1992.<ref>Bernardi, Michael, ''Full Translated Bibliography'' (www.dendarii.com).</ref>

{{boarnen|boarnefernijing=
'''Noaten'''
<references/>
'''Boarnen'''
* {{Aut|Bernardi, Michael}}, ''Awards and Nominations'' (http://www.dendarii.com/awards.html).
* {{Aut|Bernardi, Michael}}, ''Full English Bibliography'' (http://www.dendarii.com/biblio.html).
* {{Aut|Bernardi, Michael}}, ''Full Translated Bibliography'' (http://www.dendarii.com/translations.html).
* {{Aut|Bujold, Lois McMaster}}, ''The Spirit Ring'', Riverdale, New York, 2002 (Baen Books), ISBN 0 67 17 21 887 (paperback).
}}
{{DISPLAYTITLE:''{{PAGENAME}}''}}

{{DEFAULTSORT:Spirit Ring, The}}
[[Kategory:Literêr wurk fan Lois McMaster Bujold]]
[[Kategory:Fantasyroman]]
[[Kategory:Ingelsktalige roman]]
[[Kategory:Roman út 1992]]
[[Kategory:Literatuer oer tsjoenderij]]