Ver o código fonte de "Blog"

{{1000 artigos icona título|materia=Tecnoloxía da información e da comunicación}}
{{Sen notas}}
Un '''blog'''<ref>{{DRAG|blog}}</ref> ou '''bitácora''' é unha [[páxina web]] onde hai mensaxes ou publicacións ordenadas cronoloxicamente escritas por unha ou varias persoas, chamados bloggers, sobre un tema en particular a modo de diario on-line.

Hai algunhas características que son comúns á maioría dos blogs, como que os lectores poidan deixar comentarios, unha lista con ligazóns a outros blogs, chamada [[blogroll]], un arquivo coas publicacións anteriores etc. Outras características non tan comúns, pero que están presentes na maioría dos blogs, son a de permitir [[trackback]]s, que serve para saber quen liga á publicación, e a de permitir a subscrición, xeralmente mediante [[RSS]], [[XML]] ou [[Atom]], que serve para poder ler os blogs dende un programa á parte.

Crear e manter un blog non é difícil, posto que hoxe en día existe unha gran cantidade de ferramentas gratuítas para levar blogs. Moitas permiten, sen ter coñecementos técnicos, administrar todo o blog, escribir, editar e borrar as publicacións, moderar os comentarios dos lectores etc. As ferramentas máis coñecidas deste tipo son [[Movable Type]], [[Textpattern]] e [[Greymatter]]. Tamén hai páxinas on-line que permiten facer todo isto sen necesidade de baixar nada. As ferramentas on-line máis coñecidas son [[Blogger]], [[TypePad]] e [[Pitas]].

Unha das primeiras páxinas web foi un blog onde [[Tim Berners-Lee]], un dos pais de [[Internet]], publicaba un pequeno comentario das novas páxinas webs que ían aparecendo. Porén, non se pode falar de blogs até o ano [[1997]], que foi cando [[Jorn Barger]] inventou o termo ''weblog''. Coa saída dos novos servizos como [[Blogger]] ou [[Pitas]] o número de blogs aumentou moito. Non se sabe con certeza cal é o número total de blogs existentes, sobre todo a partir dos anos [[2002]], [[2003]] e [[2004]] que foron os anos onde houbo un "estoupido" de blogs. A principio do ano [[2004]] calculábanse o seu número en máis de 8 millóns.

Algunhas variantes de blogs son os [[fotoblog]]s, onde os bloggers publican imaxes, os [[vlog]]s ou videoblogs, onde os bloggers publican vídeos, os [[audioblog]]s, onde os bloggers publican gravacións sonoras, e os [[moblog]]s, onde os bloggers publican dende un [[teléfono móbil]]. O autor dun blog pode inclinarse por máis dunha destas variantes.

Os blogs en [[Lingua galega|galego]] tiveron o seu auxe no [[2004]] de onde pasaron de ter só uns 20 blogs aproximadamente a principios de ano, a ter 300 blogs aproximadamente a finais de ano. O [[blogomillo]] é o termo que engloba ao colectivo de todos os blogs en [[Lingua galega|galego]].

O [[31 de agosto]] celébrase o Día Internacional do Blog.<ref>{{Cita web |url=http://www.cronica.com.mx/nota.php?id_nota=258877 |título=Copia arquivada |data-acceso=19 de outubro de 2007 |data-arquivo=12 de outubro de 2007 |url-arquivo=https://web.archive.org/web/20071012164630/http://cronica.com.mx/nota.php?id_nota=258877 |url-morta=yes }}</ref>

== Notas ==
{{Listaref}}

== Véxase tamén ==
=== Outros artigos ===
* [[Blogomillo]]
* [[Ping]]
* [[Wordpress]]

=== Ligazóns externas ===

* [https://web.archive.org/web/20100828050044/http://www.blogalego.com/ Blogalego] Buscador de artigos de blogs galegos.
* [https://web.archive.org/web/20120114021505/http://roteiros.blogaliza.org/ Roteiros] Blog da revista "Roteiros. Arumes de pensamento crítico.

{{Control de autoridades}}

[[Categoría:Blogs]]