SEPECAT Jaguar

SEPECAT Jaguar
Tipo	Caza ataque ó solo e interdición
Fabricante	SEPECAT (Bréguet/BAC)
Primeiro voo	8 de setembro 1968
Introducido	1973
Principais usuarios	Forza Aérea da India Royal Air Force Forza Aérea de Francia Real Forza Aérea de Omán
Produción	1968 - 1981
Unidades construídas	573

O SEPECAT Jaguar é un avión de ataque supersónico anglo-francés utilizado orixinalmente pola Royal Air Force británica e a Armée de l'Air francesa no apoio aéreo próximo e no ataque nuclear. No presente aínda está en servizo coa Forza Aérea india.

Deseñado como adestrador avanzado para substituír o Folland Gnat, o Jaguar foi convertido a última hora nun avión de ataque a baixa cota, equipado cunha avanzada aviónica de navegación e operativa. O primeiro avión entregouse á RAF no ano 1973, e o primeiro escuadrón, o 54, formouse en marzo do ano 1974. O Jaguar substituíu o Phantom nas misións de interdirección, ataque e recoñecemento, e equipou un total de oito unidades. Os escuadróns de Jaguar de ataque baseados na RFA convertéronse en Tornado entre os anos 1983 e 1986. O Escuadrón 11, unidade de recofoto da RAF Germany, equipouse co Tornado no ano 1989, pero os tres escuadróns da RAF Coltishall (que forman parte da reserva estratéxica da OTAN) seguiron co Jaguar ó longo dos anos 90.

Especificacións

• Tipo: Caza monopraza de interdición SEPECAT Jaguar GR.Mk 1.
• Tripulación: Un piloto.
• Construtor: SEPECAT (Bréguet/BAC)
• Ano: 1968

• Principal usuario: Royal Air Force, Forza Aérea India e Armada do Aire Francesa.
• Envergadura: 8,68 m
• Lonxitude: 15,51 m
• Altura: 4,92 m
• Área alar: 24 m²
• Peso baleiro: 7.000 kg
• Peso cargado: 11.000 kg
• Planta motriz: 2 Rolls-Royce Turbomeca RT172 Adour 102 de 5.320 libras de pulo vectorizábel (8.040 libras con poscombustión).
• Armamento: 2 canóns Aden de 30 mm e 10.500 libras de bombas.
• Velocidade máxima: Mach 1,1 ó nivel do mar e Mach 1,6 a 30.000 pés
• Alcance operacional: 875 millas