Žórłowy tekst za Jakub Šajba sej wobhladać

'''Jakub Šajba''' ({{wrěči|de}} ''Jacob Scheibe''; * [[11. junija]] [[1899]] w [[Dobrošicy|Dobrošicach]], † [[13. septembra]] [[1956]] w [[Drježdźany|Drježdźanach]]) bě [[Serbja|serbski]] pismikistajer, nakładnik, starosta [[Serbski Sokoł|Sokoła]] a [[Domowina|Domowinski]] funkcionar.

Narodźi so jako syn skałarja a nawukny wot 1913 do 1917 powołanje pismikistajerja. Jako tajki dźěłaše 1917–19 w [[Donnerhakec ćišćernja|Donnerhakec ćišćerni]]. Wot 1919 do 1933 bě polygrafiski sobudźěłaćer a wot 1935 hač do jeje zawrjenja w lěće 1937 mašinski stajer w [[Marko Smoler|Smolerjec]] knihićišćerni a nakładnistwje w [[Budyšin]]je. W lěće 1933 bu wot [[nacionalsocializm|nacionalsocialistow]] na krótki čas zajaty. Po zawrjenju Smolerjec ćišćernje dźěłaše skrótka w ćišćerni [[Towarstwo Cyrila a Metoda|Towarstwa Cyrila a Metoda]], 1937–40 pola Monse a wot 1940 do 1945 we wulkowikowarskej firmje w Budyšinje. Po [[Druha swětowa wójna|Druhej swětowej wójnje]] přebywaše hišće hač do měrca 1948 we wójnskej jatbje.<ref>''Jakub Šajba je domoj!'' [[Nowa doba]], 24. měrca 1948, str. 2.</ref>

Po nawroćenju z jatby skutkowaše 1948–50 jako hłowny respektiwnje zwjazkowy sekretar Domowiny a wot 1950 hač do swojeje smjerće w lěće 1956 jako načolnik ćišćernje a nakładnistwa [[Nowa doba]].

W mjezywójnskim času bě Šajba wosebje w Serbskim Sokole we wodźacych funkcijach aktiwny, tak 1922/23 a znowa 1925–33 jako starosta a 1923–25 jako městostarosta. Składnostnje Sokołskeho zlěta w [[Skopje|Skopju]] lěta 1928 spožči so jemu [[Juhosłowjanska|juhosłowjanski]] Rjad swjateho Sawy. Nimo sokołstwa skutkowaše w serbskim lajskim dźiwadłowym hibanju, publikowaše wo skutkowanju Sokoła a serbskeje narodneje organizacije a wustupi jako přełožowar.

Wón bu pochowany na Budyskim [[Mikławšk (Budyšin)|Mikławšku]]. Šajba bě swak [[Wójćech Kóčka|Wójćecha Kóčki]] a [[Pawoł Krječmar|Pawoła Krječmarja]].

== Spisy ==
* ''Naša serbska młodźina a Sokoł''. Sokołske listy 5 (1929), str. 129–134
* ''Tyrš we swětle serbskeho narodneho prócowanja''. Sokołske listy 8 (1932), str. 97–101
* ''Zaměr a nadawki serbskeje žony''. Naša Domowina 2 (1936), str. 42 a druhe

== Literatura ==
* Betina Kaunowa: ''Mój dźěd Jakub Šajba a Rjad swjateho Sawy.'' W ''[[Rozhlad|Rozhledźe]]'' 2/2019, str. 16slsl.

== Žórła ==
* {{Nbs|Mł|Šajba, Jakub|530sl.}}
* [[Měrćin Nowak-Njechorński]]: ''Sokoł-doprědkar''. W ''Nowej dobje'' 3, čisło 66 (11. junija 1949)
* [[Pawoł Nowotny]]: ''Nekrolog''. W ''Nowej dobje'' 10, čisło 221 (21. septembra 1956)

== Nóžki ==
<references />

{{DEFAULTSORT:Šajba, Jakub}}
[[Kategorija:Muž]]
[[Kategorija:Rodź. 1899]]
[[Kategorija:Zemr. 1956]]
[[Kategorija:Serb]]
[[Kategorija:Pismikistajer]]
[[Kategorija:Awtor]]
[[Kategorija:Serbska literatura]]
[[Kategorija:Literatura (20. lětstotk)]]
[[Kategorija:Domowina]]
[[Kategorija:Wosoba (Budyšin)]]
[[Kategorija:Wosoba (Dobrošicy)]]
[[Kategorija:Wosoba (Serbski Sokoł)]]