Fontem paginae Deviatio canonica inspicere

'''Deviatio canonica''' in [[statistica]] metitur dispersionem valorum secundum [[distributio probabilistica|distributionem probabilisticam]] datam.  Signum usitatum est σ ([[sigma]]).  Si deviatio canonica magna est, valores inter se multa differunt;  si parva, valores sunt plerumque prope [[valor medius exspectatus|valorem medium exspectatum]] (cuius signum est μ, [[mu]]).  Secundum [[distributio normalis|distributionem normalem]], [[probabilitas]] est (fere) 34.1% valorem fortuitum esse inter μ et μ + σ, et 34.1% inter μ et μ - σ;  hoc est, probabilitas est 68.2% valorem fortuitum esse intra unam deviationem canonicam a valorem medium exspectatum.  Secundum alias distributiones, quarum formae differunt, hae quantitates differunt.

[[Fasciculus:Two gaussians.svg|thumb|Duae distributiones normales, quae idem valorem medium, diversas deviationes canonicas habent.]]Imago monstrat duas distributiones normales.  Alterius, colore rubro depinctae, deviatio canonica est parva, alterius, colore caerulo depinctae, magna.

Deviatio canonica omnis distributionis est, per definitionem, radix quadrata [[variantia theoretica|variantiae]];  variantia est secundum momentum centrale.<ref>Cramér, p. 180.</ref>  Hoc est, si ''X'' est variabilis fortuitus cuius valor medius exspectatus est μ (E[X] = μ), deviatio canonica ''X'' est

:<math>\sigma = \sqrt{E[X-\mu]^2}</math>


== Notae ==
<references />

== Bibliographia ==

Cramér, Harald.  [[1951]] ''Mathematical Methods of Statistics.''  Princeton.

[[Categoria:Res statisticae]]

{{Myrias|Mathematica}}