Tingnan ang wikitext ng Pagbabawas

{{Aritmetika operasyon}}
[[Talaksan:Subtraction01.svg|thumb|'''{{Math|1=5 - 2 = 3|size=100%}}''', binabásang ''lima binawasan ng dalawa ay tatlo''.]]
Ang '''pagbabawas''' o '''subtraksiyon''' (mula [[Wikang Ingles|Ingles]] ''subtraction'') ay isa sa apat na pangunahing [[Operasyon (matematika)|operasyon]] sa [[aritmetika]]. Ito ang proseso ng pagtanggal o pagbawas sa isang matematikal na bagay (hal. ''[[bilang]]'') ng isa pang matematikal na bagay. Ang sagot na nakukuha sa operasyong ito ay tinatawag na ''diperensiya''<ref name=":0">{{Cite web|title=diperensiya|website=Glosbe|url=https://glosbe.com/tl/en/diperensiya|access-date=Disyembre 16, 2020|language=en}}</ref> o ''kaibhan''.<ref name=":1">{{Cite web|title=kaibhan|url=https://glosbe.com/tl/en/kaibhan|website=Glosbe|access-date=Disyembre 16, 2020|language=en}}</ref> Sinisimbolo naman ito ng [[Tandang pandagdag at pambawas|tandang pambawas]] (''minus sign'', "<math>-</math>").

May mga katangian ang pagbabawas. Di tulad ng kabaligtaran nitong [[pagdaragdag]], nakakaapekto ang pagpapalit-puwesto ng mga kasangkot sa operasyon ([[Katangiang komutatibo|di‑komutatibo]]). Taliwas din sa pagdaragdag, nagbabago ang resulta ng operasyon kung papalitan ang mga uunahing babawasan ([[Katangiang asosyatibo|di-asosyatibo]]). Walang mababawas sa babawasang bilang kung [[0 (bilang)|sero]] (0) ang babawas dito. Gayunpaman, tulad ng pagdaragdag, sinusunod din ng pagbabawas ang mga nahuhulaang tuntunin patungkol sa mga kaugnay na operasyon nito.

Isa rin sa mga pinaksimpleng gawain sa aritmetika at matematika ang pagbabawas. Kayang gawin ito ng mga maliliit na bata. Isa rin ito sa mga unang itinuturo sa matematika ng mababang edukasyon. 

Samantala, sa mataas na [[alhebra]] at [[alhebrang pangkompyuter]], karaniwang itinuturing ang notasyon sa pagbabawas, sa anyong <math display="inline">A - B</math>, bilang isang mabilisang pagsulat sa ekspresyon ng pagdaragdag sa anyong <math display="inline">A + (-B)</math>. Ginagawa ito upang madaling mabása at magamit ang naturang operasyon sa iba pang mga katangian, tulad ng pagpapalit-puwesto (komutatibo) at pagbabago ng sagot (asosyatibo).

== Notasyon at terminolohiya ==
[[Talaksan:Subtraction chart.png|thumb|Pagbabawas mula 0 hanggang 10. Ang aksis na X ay ang bawasin, samantalang ang Y ay ang mga kaibhan. Pamawas naman ang mga linya.]]
Madalas na isinusulat ang pagbabawas gamit ang tandang pambawas (''minus sign'', "-") sa pagitan ng dalawang termino.<ref>{{Cite web|date=Marso 17, 2020|title=List of Arithmetic and Common Math Symbols|url=https://mathvault.ca/hub/higher-math/math-symbols/common-math-symbols/|access-date=Nobyembre 7, 2020|website=Math Vault|language=en|trans-title=Listahan ng mga pangkaraniwang simbolong pang-aritmetika at matematika}}</ref> Halimbawa:

{{spaces|6}}<math>2 - 1 = 1 </math> ("dalawa binawasan ng isa ay isa")

: <math>4 - 2 = 2 </math> ("apat binawasan ng dalawa ay dalawa")
: <math>6 - 3 = 3 </math> ("anim binawasan ng tatlo ay tatlo")

Tinatawag na '''bawasin''' ang bilang na babawasan,<ref>{{Cite web|website=Glosbe|url=https://glosbe.com/tl/en/bawasin|title=bawasin|language=en|access-date=Disyembre 16, 2020}}</ref> samantalang '''pamawas''' naman ang tawag sa bilang na magbabawas.<ref>{{Cite web|title=pamawas|website=Glosbe|url=https://glosbe.com/tl/en/pamawas|language=en|access-date=Disyembre 16, 2020}}</ref> Tinatawag namang '''diperensiya'''<ref name=":0" /> o '''kaibhan'''<ref name=":1" /> ang resulta ng operasyong ito. Gayunpaman, madalas ginagamit naman ang mga deribatibo ng [[Pandiwa|pandiwang]] ''bawas'' para matukoy ang mga ito. Halimbawa, maaaring tawaging ''babawasan'' ang bawasin, samantalang maaaring tawaging ''tagabawas'' o ''babawas'' ang pamawas.

== Mga sanggunian ==
<references responsive="" />{{Mababang aritmetika}}
{{Stub|Matematika}}

[[Kategorya:Elementaryong aritmetika]]