PostScript
PostScript el xe on lengoajo de descrizsion de pàjina interpretà particołarmente bon par ła descrizsion de pàjine e imàjini, porta vanti da Adobe Systems e al prinsipio uxà cofà lengoajo par el controło de stanpanti.
El Postscript el va considerà cofà on vèro e propio lengoajo de programazsion. Bietìo prinsipal de ła so creazsion el gera el sviłupo de no fero del mestier par descrìvar pàjine de testo e gràfega in manièra endepandente da ła risołuzsion e da el dispoxitìo de visuałizsazsion. Par conto de sto lengoajo donca a xe posìbie transferir da on conputer a nantro informazsion sensa perdar de coałità.
El xe derivà da el lengoajo Forth. On file PostScript (PS) el xe in realtà on file de testo puro, el xe donca consultabiłe co on coalsevoja editor de testo.