三位一體
宗教系列 基督宗教 | |
![]() | |
基督教史 基督教發展時序 耶穌基督 耶穌十二門徒 大公會議 大分裂 十字軍東征 宗教改革與更正教 中國基督教 中國基督教史 | |
三位一體 聖父 聖子 (神學) 聖靈 | |
基督教神學 基督教會 禮拜 聖恩 · 救贖 登山寶訓 十誡 | |
聖經 舊約 新約 正典 次經 偽經 和合本修訂版 | |
基督教派 天主敎 東正教 聖公宗 新教 東方正統教會 東方亞述教會 基督教運動 |
三位一體係基督教神學術語,佢嘅意思就係聖父、聖子、聖神(天主教會譯為聖神,東正教會同新教就譯為聖靈)係同一個本體(本性)、三個唔同嘅位格,啲人用希臘語homoousios 來表達佢哋之間嘅關係。三個位格係同一本質同埋同一屬性。通俗啲講,只有獨一一個天主;聖天父完全係天主,聖子完全係天主,聖神完全係天主;聖天父唔係聖子,聖子唔係聖神,聖神唔係聖天父[1]。
雖然「三位一體」呢個詞語係後來神學家歸納出嚟,而唔係直接出自《新約聖經》原文,但係三位一體嘅理論基礎係建基於新約聖經嘅經文同神學觀之上[2]。其中包括喺馬太福音28:19:「所以你們要去、使萬民作我的門徒、奉父、子、聖靈的名、給他們施洗」,經文入面嘅「名」係單數。三位一體嘅支持者指聖父、聖子、聖靈係共用上帝個名。一啲經文亦都被人覺得係隱含三位一體嘅思想,教父同護教士加以立論同宣講。經過漫長嘅紛爭加上逐漸發展,「三一論」將三位一體嘅神學思想體系化,詳細闡述咗有關三位一體呢個信條嘅教義,亦避免咗將天主陷於形態論或者三神論嘅極端[3],保護三位一體嘅神學思想留存。
根據《聖經》記載,耶穌冇反對猶太人相信嘅獨一真神;耶穌及使徒都冇直接倡導三位一體[4]。喺三位一體神學觀念嘅形成過程中,不斷有一啲基督教教派同個別人士否定呢個教義,有啲更認定呢個唔係基於聖經嘅錯誤主張[5]。經過幾個世紀嘅爭議同發展,而家大部分基督宗教嘅教會都接納三位一體係傳統教義之一;反對嘅就支持「一位格論」,否定三一論[6]。
傳統天主教會將聖神降臨節第一主日定為三一主日,紀念天主聖父、聖子、聖神係三位一體。
註同埋參考[編輯]
- ↑ The Blessed Trinity,The Catholic Encyclopedia
- ↑ 三位一體 教會實用資料庫
- ↑ 形態論、三神論 VS. 聖經中對於三一神純正的啟示 互聯網檔案館嘅歸檔,歸檔日期2009年6月15號,.,真理辯正中文網
- ↑ Trinity,Britannica Online Encyclopedia
- ↑ 「三位一體」上帝的吩咐還是人的吩咐? 互聯網檔案館嘅歸檔,歸檔日期2012年1月28號,.,耶路撒冷線上
- ↑ 一位論派,中國大百科